شبيك لبيك
center][/center]
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

شبيك لبيك

من منتديات الأنس
 
الرئيسيةالتسجيلشبيك لبيكبحـثالأعضاءدخول

 


شاطر | 
 

 التعــويــذة!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
تيتو
المدير
المدير
avatar

ذكر
عدد الرسائل : 1280
المزاج : برنس سعيد
نقاط : 70521
السٌّمعَة : 0
تاريخ التسجيل : 24/09/2008

مُساهمةموضوع: التعــويــذة!!!   الخميس يوليو 09, 2009 8:46 am


يا صباح الأوهااااااام

إحنا شعب عنده حيلة جميلة أوى وسهلة وبسيطة أوى لتجميل أى مشكلة يعانى منها

هى مش حيلة للتجميل هى حيلة للأخفاء تعويــذة سحرية كلمة بنقولها قدام مشاكلنا فتقوم مشاكلنا تختفى تماما ومايبقاش ليها أى أثر



يعنى مثلا لو عندنا مشكلة زى مشكلة قهر المرأة
..وأستعبادها ..والتجارة المشروعة فيها... والأساءة ليها ...والعنف
ضدها...دى مشكلة فى أى مجتمع تانى بتبقى عاملة زى السوس...... بس إحنا
أخترعنالها اسم حركى يخلى المشكلة تختفى ويادار ما دخلك شر بقى كل التخلف
اللى فات بقى ده أسمه تقاليدنا الأصيلة
وأول ما سميناها تقاليدنا الأصيلة مابقتش مشكلة وبقينا متكيفين تماما ومرتاحين تماما وكل القهر ده بيحصل حوالينا!!



ولو عندنا شلة ملهاش أى لازمة فى الدنيا غير أنها
تلحق تلملها قرشين قبل الظروف الحالية (أيا كانت الظروف الحالية) ماتتغير
. الشلة دى أسمها العلمى
جمعية المنتفعين من الظروف الحالية للبلد بس إحنا عشان مانقومش وننام وحاسين إن فى قطيع من ال (vampires) عمالين يمصوا فى دمنا ليل نهار سمينا جماعة المنتفعين دى حــــزب
وبكده بقت الحياة سهلة ولطيفة



لو عندك مشروع فاشل يبقى أسمه مشروع (متعثـــر)

لوعندك جار أهبل أو متخلف عقليا أو عنده مرض نفى يبقى أسمه راجل(طيب) أو (راجل مع نفسه)أو (راجل بتاع ربنا)

إحنا نفس الشعب اللى سمى الهزيمة (نـكسة)
واللى سمى الأنقلابات العسكرية (ثـــورة)
واللى سمى الرأسمالية الوطنية (إقطـــاع)
واللى سمى رأسمالية الدولة (إشتراكيـــة)!!
إحنا برضة اللى سمينا الكبارى ومحطات المجارى (مشاريع قومية)
وإحنا اللى سمينا الموت (إستقــرار)
وتبلد المشاعر وعجز الأستجابة سميناهم (تريث وحكمـــة)



دايما عندنا اسم بديل اسم مخفف ومتزوق بديل للأسم القبيح بس المضمون لسه زى ماهو قبيح وقبحه بيزيد كل يوم

أنا شايفة إن الأسماء الحركية وتعاويذ الإخفاء السحرية دى نابعة من إننا عندنا حالة إنكار لمشاكلنا ...
يعنى لما تحصل لنا مصيبة كل اللى علينا نعمله إننا نخترع لها اسم جديد ف (بــــــــــــخ ) المصيبة تختفى!!


حتى لما ماتحصلناش مصايب متصورين إننا كمصريين مش ممكن يحصلنا اللى بيحصل فى أماكن تانية ولناس تانية

لو أنت ماشى فى أى بلد فى الدنيا وسمعت صوت رصاصة هتلاقى كل الناس أنبطحت على الأرض إلا إحنا عندنا إحساس غريب بالأمان والحصانة

ولو طلع حد يتكلم عن الرعب النووى هيتحول لأراجوز لانه بتكلم عن حاجة مستحيلـــــة
مستحيل ... نبقى قوة نووية ومستحيل ... ننضرب بقنابل نوويــة


لو واحد بيتكلم عن التلوث والإحتباس الحرارى وتغير المناخ وتآكل الشواطىء .... يبقى بالضبط كأنه بيقيم الصلاة فى مالطـــة!!
محدش سامع ومحدش فاهم ومحدش عايز يفهم أو يسمع...!!


على فكرة إحنا كده مش بس بننكر وجود المشاكل حوالينا إحنا كمان بننكر إننا
موجودين وإننا جزء من العالم وإن الإنكار ده مش هيغير من الأمر شىء...
عندنا ناس بتوصل بيها حالة الإنكار دى إنها لما بتخلف بنت بتسميها باسم ولد ده لانها كان نفسها تجيب ولد فتلاقى بنت اسمها وليد وحنفى وسعد

ولو حالة الأنكار دى قليلة شوية هتلاقى اساميهم محسنة وسعيدة وحسنة



نفسى أغمض وأفتح وألاقى كل حاجة متسمية باسمها
نفسى الاقى اليفط والعناوين والبيانات خالية من حالة الإنكار
ومن حالة خداع الذات وخالية من التعاويـــذ السحرية اللى بتخفى العيوب ومابتعالجهاش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shopiklopik.gid3an.com
 
التعــويــذة!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبيك لبيك :: قسم الشباب والبنات :: الحوار والنقاش الجاد-
انتقل الى: